Barcelona raportohet se dëshiron shitjen e Arda Turanit te Galatasaray gjatë javës së ardhshme.
Sipas Mundo Deportivo, një javë është kohë e mjaftueshme për Ardan që të rikthehet në vendlindje pasi në Turqi afati kalimtar nuk mbyllet deri të premten e ardhshme.
Gazeta spanjolle sqaron se Galata që prej muajit korrik është duke punuar në transferimin e 30-vjeçarit.
Mesfushori pritet të largohet në formë huazimi pasi klubi nga Stambolli nuk dëshiron të paguajë pagën e majme të tij.
Barça raportohet se do të jetë e kënaqur me huazimin e tij, pasi nëse tregon formë të mirë, Turani do të mund të shitej në një çmim më të mirë.