Në krye të përfaqësueses së Kosovës prej vitit 2009, Albert Bunjaki ka thënë të hënën se po përballet me situatën më të vështirë. Ai ka folur për aktivizimin e paktë të lojtarëve të Kosovës në klubet e tyre, kur përfaqësuesen e presin në një periudhë të shkurtër katër ndeshjet e fundit të eliminatoreve për botërorin e futbollit "Rusia 2018".

Kosova dy ndeshje i luan në shtator e dy të tjera në tetor, shkruan sot Koha Ditore.

Kur në shumicën e vendeve kanë nisur kampionatet për edicionin 2017\18, Bunjaki me çdo xhiro të kaluar po bindet që të besuarit e tij po kanë vështirësi në skuadrat aktuale. Nuk është gjendje premtuese sidomos para përballjes me Kroacinë më 2 shtator në Zagreb, përfaqësuese kjo që në radhët e veta ka lojtarë yje të Real Madridit e Barcelonës.

Kosova më 5 shtator e pret Finlandën, ndërsa më 6 tetor e pret Ukrainën. Eliminatoret i mbyll më 9 tetor në udhëtim ndaj Islandës. Natyrisht, ndeshjet si vendase Kosova i luan në Shkodër në mungesë të një stadiumi të denjë në Kosovë. Deri më tani Kosova ka një barazim ndaj Finlandës në ndeshjen e parë dhe më pas pesë humbje.

"Qe nëntë vjet gjendja më e vështirë nuk ka qenë asnjëherë. Kemi një numër shumë të madh të lojtarëve që momentalisht nuk po aktivizohen me klubet e tyre dhe ky është një problem shumë i madh", ka thënë Bunjaki, që është vënë në presion pas humbjeve rresht me përfaqësuesen...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.