Brazili e ka fituar Grupin G të Kupës së Botës në Katar, pavarësisht disfatës që e pësoi në ndeshjen e tretë dhe të fundit të grupit.

Brazilianët të premten në mbrëmje humbën nga Kameruni me rezultatin 1:0.

Por ky rezultat nuk e ndryshoi renditjen për fazën nokaut.

Brazili kualifikohet nga vendi i parë me gjashtë pikë, me goldallim më të mirë se Zvicra në pozitën e dytë, që ka po ashtu gjashtë pikë.

Kameruni edhe pse fitoi, eliminohet me katër pikë në vendin e tretë. La prapa Serbinë me një pikë.

Golin e fitores për Kamerunin e shënoi Vincent Aboubakar.

Aboubakar kishte një karton të verdhë, por hoqi fanellën pas festës dhe mori karton tjetër për t’u përjashtuar nga loja. 

Përzgjedhësi i Brazilit, Tite, në takimin e tretë të fazës grupore, ka bërë nëntë zëvendësime në formacionin titullar.

Brazili në një të tetën e finales takohet me Korenë e Jugut.

Kameruni në epërsi

Vincent Aboubakar shënon gol ndaj Brazilit, kalon në epërsi Kamerunin dhe ndëshkohet me të kuq.

Aboubakar shënoi në minutën e dytë të shtesës gol të bukur me kokë. Ai kishte një karton të verdhë, ndërsa e hoqi fanellën pas festës.

Pjesa e parë

Pa gola është mbyllur pjesa e parë e duelit ndërmjet Kamerunit dhe Brazilit.

Ky ballafaqim i takon Grupit G.

Brazili, që e ka siguruar tashmë kalimin në një të tetën e finales, me barazim e siguron vendin e parë, ndërsa Kameruni eliminohet nga turneu i Kupës së Botës.

Nis ndeshja Kamerun – Brazil

Ka nisur ndeshja mes Kamerunit dhe Brazilit, e vlefshme për Grupin G të Kupës së Botës.

Brazili e ka siguruar kualifikimin.

Kamerunit i duhet fitorja dhe shpresa që takimit mes Zvicrës dhe Serbisë të përfundojë baras me rezultat jo të lartë, për t’u kualifikuar.