Donat Rrudhani po shndërrohet në lojtar të rëndësishëm për Kosovën. Ai po luan në pozitën e mbrojtësit të majtë, ndërsa shënoi një gol në fitoren ndaj Qipros. Ishte goli i parë i tij me Kosovën.

“Është ndjenjë e papërshkrueshme. Uroj çdo futbollist të ketë këtë ndjenjë. Ishte e papërshkrueshme të shënoj në stadiumin legjendar. Jam i kënaqur që ndihmova ekipin, që reaguam dhe morëm fitoren bindëse”, ka thënë Rrudhani.

“Jam i gatshëm të luaj në çdo pozitë për Kosovën. Në skuadër luaj më ofenziv, ndërsa te Kosova mbrojtës i majtë. Por nuk kam telashe, mund të luaj në çdo pozitë për Kosovën”, ka shtuar Rrudhani.