E ardhmja e Neymarit është ende e paqartë, pavarësisht se ai është me skuadrën në ndeshjet parasezonale.
Trajneri i Paris-Saint Germain, Christophe Galtier, ka thënë se e ardhmja e sulmuesit brazilian nuk do të dihet deri në përfundimin e afatit kalimtar të verës.
“Nuk e di se çfarë do të ndodhë në të ardhmen e afërt, kur të përfundojë merkato, thuhet se do të largohet, thuhet se do të qëndrojë. Nuk kam folur me të për këtë çështje dhe për këtë arsye nuk e di se çfarë do të ndodhë”, tha Galtier në një konferencë për shtyp të shtunën.
Drejtuesit e klubit parisien thuhet se janë të gatshëm ta shesin gjatë kësaj vere yllin brazilian.
-
24 korrik 2022 00:45
-
Shpërndaje në: