Sport

Asllani pranë marrëveshjes me Milanin

Kosovare Asllani është pranë kalimit te Milani. Sulmuesja e Suedisë raportohet se është pajtuar me kushtet e ofruara nga klubi kuqezi. Ajo është larguar në fund të sezonit 2021/2022 nga Real Madridi. Për tre vjet, sa ishte pjesë e klubit madrilen, Asllani shënoi 19 gola në 46 paraqitje.

Ajo më herët karrierë ka bërë edhe te Manchester City, Paris Saint-Germaini dhe në Shtetet e Bashkuara të Amerikës te Chicago Red Star.

Për Suedinë në 160 ndeshje ka shënuar 43 gola. Ajo me Përfaqësuesen suedeze do të marrë pjesë në Evropianin e këtij viti.