Trajneri i kombëtares mbërrin në tokën shqiptare

Trajneri i kombëtares mbërrin në tokën shqiptare

19 korrik 2017 09:41

Christian Panucci ka mbërritur në Tiranë mbrëmjen e së martës, për të zyrtarizuar emrin e tij si trajneri i ri i përfaqësueses shqiptare.

44-vjecari italian ka udhëtuar 9600 milje, nga Miami në Romë dhe nga Roma në Tiranë, për të qenë i pranishëm në mesditën e së mërkurës, në konferencën për shtyp, ku do të bëhet edhe prezantimi zyrtar, të cilit nuk ka dashur t'i zbulojë asgjë paraprakisht.

“Po, jam i lumtur. Për çdo gjë do të flasim nesër”, tha Panucci për mikrofonin e Top Channel.

Karriera e tij si trajner nuk është në të njëjtin nivel si ajo e futbollistit të madh të aktivizuar me disa nga klubet më të njohura në Europë, si Milan, Roma, Real Madrid, Chelsea apo Inter.

Gjithsesi, në këto vite ka bashkëpunuar me disa prej trajnerëve më të mirë në botë, si futbollist, por edhe si trajner, kur së bashku me Kapelon drejtuan Rusinë, për të kaluar në kampionatin italian tek Livorno dhe Ternana.

Komentet

Shto koment

Të ngjashme