Milani i ka siguruar shërbimet e mesfushorit të Lazios, Lucas Biglia, transmeton Koha.net.
Gazetari italian Gianluca Di Marzio raporton se marrëveshja ndërmjet klubeve është arritur, ndërsa nuk bën të ditur detajet e marrëveshjes.
Vendimtare në këto negociata raportohet se ishte një telefonatë nga presidenti i Lazios, Claudio Lotito dhe drejtorit sportiv të Milanit, Marco Fassones.
Biglia ka qenë synim i Milanit gjatë gjithë kësaj vere, ndërsa raportohet se Milani ka paguar 20 milionë euro për shërbimet e tij.
