Sport

Ramadani: Do mundohemi të shënojmë të parët dhe t’ia shuajmë ambiciet e kundërshtarit

Zekirija Ramadani

Trajneri i Prishtinës, Zekirija Ramadani e ka cilësuar të vështirë përballjen ndaj Connah’s.

Por, ai shpreson në kualifikim tutje. Prishtina e ka fituar ndeshjen e parë në Prishtinë javën e shkuar me rezultatin e thellë 4:1. Ndeshjen kthyese ndaj Connah’s do ta luaj të enjten nga ora 20:00.

“E dimë që do të jetë ndeshje e vështirë, shkaku i fushës dhe udhëtimit, por gjithsesi kemi rezultat pozitiv dhe duhet ta menaxhojmë ndeshjen ashtu siç na konvenon neve. Do mundohemi të shënojmë të parët që t’i shuajmë ambiciet e kundërshtarit. Shpresoj me angazhimin e futbollistëve të arrijmë deri te kualifikimi”, ka thënë Ramadani për KOHËN.