Sport

Ibrahimoviqi, edhe një vit te Milani

Zlatan Ibrahimoviq do të nënshkruajë kontratë të re edhe për një vit tjetër me skuadrën e Milanit, ka mësuar “goal.com”.

Kontrata e vlefshme 6 milionë euro me 1 milion euro tjera bonuse, pritet të bëhet zyrtare së shpejti nga klubi i Serie A.

Ibrahimoviqi është njëri prej lojtarëve më të mirë të Milanit në kampanjën 2020/21 dhe ka ende për të shfaqur, pavarësisht faktit se do të jetë 40-vjeçar në muajin tetor.

Ibrahimoviqi ka 17 gola të shënuar dhe tre asistime në 25 ndeshje të zhvilluara.