Sport

Morina: Një pikë shumë e madhe

Foto: Driton Paçarada / KD

Trajneri i Arbërisë, Arbnor Morina, pikën e fituar ndaj Dritës e ka vlerësuar shumë të madhe.

Arbëria barzoi 1:1 në Gjilan me Dritën sot në xhiron e 18-të të Superligës së Kosovës në futboll.

“Është një pikë shumë e madhe kur pretendentit për titull. Edhe në ndeshjet tjera kemi luajtur mirë, por mund të them se jam i kënaqur në përgjithësi me rezultatin ndaj Dritës. Neve na karakterizon një lojë kolektive dhe këtë po e bëjmë në mënyrën më të mirë të mundshme. Gjithsesi, jam i kënaqur me rezultatet e kësaj pjese dhe mendoj që kemi bërë një punë të mirë më të gjithë në klub. Ndoshta, kemi mundur të marrim edhe ndonjë pikë por duke e ditur se jemi për herë të parë në Superligë, në përgjithësi nuk është keq”, tha Morina.