Trajneri i Arsenalit, Mikel Arteta, ia ka hapur dyert mesfushorit Mesut Ozil për rikthim në skuadër në janar.

Ish-reprezentuesi gjerman kishte mbetur jashtë ekipit dhe planeve të spanjollit që nga muaji mars.

Kontrata e lojtarit skadon në fund të sezonit dhe konsiderohej se karriera e tij tek Arsenali po merr fund – por diçka e papritur është duke ndodhur.

“Ai s’është në skuadër tash. Jam i fokusuar vetëm në lojtarët që kemi tash për tash. Por për janar, kemi kohë për të vendosur çfarë do të ndodhë”, ka thënë Arteta të shtunën para ndeshjes me Burnleyn në Premier League duke nxitur raportimet për kthimin e turkogjermanit.