Sport

City rikthehet me fitore ndaj Arsenalit

Foto: Reuters

Kampioni i Premier Ligës, Manchester City, është rikthyer me fitore ndaj Arsenalit, pas pezullimit të kampionatit për shkak të COVID-19.

Skuadra e Pep Guardiolas shënoi fitore prej 3 me 0 ndaj Arsenalit në shtëpi, transmeton KOHA.

Ishte Raheem Sterling ai që shënoi golin e parë për Cityn në minutën e 45+2, pas një gabimi në mbrojtje nga David Luiz, i cili me të filluar pjesa e dytë mori karton të kuq.

E në minutën e 51 City e dyfishoi epërsinë përmes mesfushorit belg, Kevin De Bruyne.

Kurse golin e fundit e shënoi i riu Phil Foden.

Në këtë takim u lëndua Granit Xhaka, i cili u detyrua ta lëshojë fushën në minutën e tetë të takimit.

Manchester City me këtë fitore arrin në kuotën e 60 pikëve dhe mban vendin e dytë. Derisa Arsenali në vendin e nëntë ka 40 pikë.