Arsenali ka konfirmuar se Arsene Wenger ka vazhduar kontratën edhe për dy vjet.
Pas disa muajsh spekulimesh rreth të ardhmes së tij, francezi ka nënshkruar kontratën e re që do ta mbajë atë tek Arsenali deri në verën e vitit 2019.
“E dua këtë klub dhe të ardhmen e pres me optimizëm. Ne po shikojmë se si të bëhemi të fortë në çdo pozitë. Ky është një grup i fortë lojtarësh dhe me disa përforcime ne mund të jemi më të suksesshëm”, ka thënë Wenger për faqen zyrtare të klubit.
Arsenali tani e 13 vjet nuk e ka fituar titullin e Premier Ligës. Gjatë verës pritet të ketë në dispozicion 100 milionë funte për transferime.
-
31 maj 2017 14:40
-
Shpërndaje në: