Sport

Lojtarët e Trepçës ’89 vazhdojnë kontratat, përveç dy prej tyre

Kamponi i Kosovës në futboll Trepça ’89 ka konfirmuar se të gjithë futbollistët e saj kanë vazhduar kontratat, përveç dy prej tyre.

Janë Arbër Potoku dhe Diar Mustafa ata që nuk kanë vazhduar kontratat me klubin, transmeton Koha.net. Nuk janë dhënë arsyet se përse këta dy futbollistë nuk kanë vazhduar kontratat.

Trepça ’89 ka paralajmëruar se do të bëhen përforcime të reja për shkak të pjesëmarrjes në Ligën e Kampionëve.

“E konfirmuar nga presidenti i Trepçës ’89, Abedin Zeka se të gjithë lojtarët vazhduan kontratat me klubin, përjashtim Arbër Potokut dhe Diar Mustafës. Gjithashtu presidenti Zeka paralajmëron edhe përforcime të tjera”, thuhet në postimin e klubi mitrovicas në Facebook.