Sport

Juventusi kampion i Italisë për herë të gjashtë rresht

Juventusi ka fituar titullin e gjashtë rresht të kampionit në Itali.

Ekipi i Massimiliano Allegrit fitoi matematikisht titullin e radhës pas fitores 3 me 0 ndaj Crotones në xhiron e parafundit të sezonit.

Mario Manxhukiq, Paulo Dybala dhe Alex Sandro shënuan golat për fitoren e 28-të të Zonjës së Vjetër.

Juventusi ka 88 pikë në tabelë, katër më shumë se Roma që mbetet e dyta. Napoli është i treti me 83 pikë.

Ditë më parë Juve fitoi edhe Kupën e Italisë dhe sivjet ka shansin të kompletojë tripletën nëse mposht Real Madridin në finale të Ligës së Kampionëve.