“Derbi i Gjilanit”, për të cilin jeton një qytet Foto: Koha

“Derbi i Gjilanit”, për të cilin jeton një qytet

19 maj 2017 20:27

Derbi vendor ndërmjet Gjilanit dhe Dritës, përjetohet maksimalisht nga futbollistët në fushë, por edhe nga tifozët në qytetin e Gjilanit dhe më gjerë.

Një qytet i tërë, jeton për këtë ndeshje dhe një javë para përballje së nxehtë, gjithçka në Gjilan frymon me ngjyrat këtyre dy klubeve, kuqebardhë që janë ngjyrat e Gjilanit dhe bardhekaltër të Dritës, raporton KTV.

Qyteti ndahet në dysh, ashtu siç ndahen edhe familjet, e besa edhe vëllezërit e motrat, ku dikush bëhet “Skifterë” dhe e përkrah Gjilanin e dikush tjetër “Intelektualë”, dhe brohoret për Dritën.

Padyshim, ata që e ndiejnë më së shumti këtë derbi, ku presion është mbi ta, janë futbollistët në fushë, të cilët japin gjithçka për t’i gëzuar tifozët e tyre.

Mbrojtësi i Gjilanit, Ilir Blakçori, për të cilin është ndeshja e tretë, tregon sa janë të motivuar për këtë takim, pavarësisht që ai është nga Podujeva.

Blakçori thotë se nuk do të ketë kalkulime dhe do të hyjnë për të fituar ndeshjen.

Majtaku e kishte qëlluar njëherë rezultatin në fitoren 1:0, ndërkaq nuk heziton të japë parashikimin e tij edhe për ndeshjen e së shtunës.

Në anën tjetër, mbrojtësi i Dritës, Erdin Hashani, për të cilin është derbi i shtatë, thotë se do të fitojnë vetëm për tifozët “Intelektualët”.

Hashani e pranon se do ta kenë vështirë që t’i ikin barazhit, por thotë se do të luftojnë deri në fund.

Sa i përket rezultatit, futbollisti nga Prishtina, heziton të flasë, por është i bindur në fitoren e Dritës.

Gjilani – Drita, do të zhvillohet të shtunën dhe nis në orën 17:00.

© KOHA. Të gjitha të drejtat janë të rezervuara.

Komentet

Shto koment

Të ngjashme