Ylli francez Franck Ribery është suspenduar për tri ndeshje nga tribunali disiplinor i Serisë A të hënën, pasi shtyu referin anësor pas humbjes 2:1 që pësoi skuadra e tij Fiorentina në shtëpi ndaj Lazios të dielën.
Lajmi është bërë i ditur nga mediumet italiane të hënën. Xhirimet kanë treguar Riberyn 36-vjeçar, që u zëvendësua në minutën e 74-të, duke protestuar te referët pas përfundimit të ndeshjes.
Ai më pas e shtyu dy herë referin anësor, para se të intervenonin bashkëlojtarët e tij, ndërsa u ndëshkua edhe me karton të kuq.
Ribery të hënën nëpërmjet Twitterit ka kërkuar falje për sjelljen e tij. Pos suspendimit me tri ndeshje, Ribery është gjobitur edhe me 20 mijë euro.
-
28 tetor 2019 22:51
-
Shpërndaje në: