Portieri i Tottenhamit, Hugo Lloris është dërguar në spital pasi ka pësuar një lëndim të rëndë në dorë në humbjen prej 3 me 0 në udhëtim te Brightoni, raporton BBC.

Lloris u rrëzua keq gjatë një tentimi për të ndalur kromimin e Pascal Grossit, e nga ky rast përfitoi Neal Maupay që shënoi me lehtësi me kokë, transmeton koha.net.

Portieri francez mori ndihëm nga stafi mjekësor para se të zëvendësohej nga Paulo Gazzaniga.

“Nuk është lajm i mirë nga spitali. Por, për të pasur ide më të qartë do ta shpjegojmë përmes klubit, ku do të shpjegohet se çfarë po ndodh me të”, është shprehur trajneri i Tottenhamit, Mauricio Pochettino.