Chelsea kampion i Premier Ligës Foto: Reuters

Chelsea kampion i Premier Ligës

12 maj 2017 22:51

Kur kanë mbetur edhe dy xhiro për të përfunduar kampionati në Premier Ligë, Chelsea siguron titullin.

Këtë e bëri pas fitores së sotme në udhëtim te WBA-ja, të cilën e mposhti me rezultat 0-1, raporton Koha.net.

Ishte Michy Batshuayi ai që i siguroi pikët e plota skuadrës së Antonio Contes, që njëherësh i jep titullin e Premier Ligës. Për sulmuesin belg asistoi Azpilicueta kur po zhvillohej minuta e 82.

Në këtë sezon në radhët e Chelseat shkëlqyen Diego Costa me 20 gola dhe 6 asiste, Eden Hazard me 15 gola dhe 5 asiste, kurse një nga më meritorët ishte edhe lojtari më i mirë i këtij edicioni në Premier Ligë, N’Golo Kante, por nuk duhet harruar edhe trajnerin italian Antonio Conte që pati një ndikim të madh në këtë grup lojtarësh.

Ky është titulli i pestë i Chelseat.

Pas kësaj fitore Chelsea ka 87 pikë, dhjetë më shumë se ndjekësi i parë Tottenhami.

© KOHA. Të gjitha të drejtat janë të rezervuara.

Komentet

Shto koment

Të ngjashme