Sulmuesi i Romës, Edin Xheko, raportohet se do të mungojë dhjetë ditë për shkak të lëndimit dhe pritet të mungojë në kryendeshjen ndaj Juventusit këtë fundjavë.

Sipas “Sky Sport Italia”, testimet e fundit kanë zbuluar një lëndim në muskuj dhe Xheko do të duhet të qëndrojë së paku dhjetë ditë jashtë fushave.

Përpos tij në dyshim është edhe mesfushori Radja Nainggolan që rrezikon ndeshjen me Juven.

Roma është vetëm një pikë para Napolit në luftën për pozitën e dytë, që garanton hyrjen direkte në Ligën e Kampionëve.