CIES Football Observatory ka publikuar listën me 100 lojtarët më të vlefshëm në botë, të cilën e udhëheq ylli i PSG-së, Kylian Mbappe.
Mbappe pasohet nga Mohamed Salah, Raheem Sterling, Leo Messi e Jadon Sancho që mbyll top pesëshen e lojtarëve më të vlefshëm në botë aktualisht, transmeton Koha.net.
Derisa në top dhjetëshe dominon Liverpooli me tre lojtarë, Salah, Mane e Firmino.
Shaqirit i është trefishuar vlera, Rashica më i vlefshmi te Kosova
Përveç sulmuesve sa u përket pozicioneve të tjera portieri më i vlefshëm ësht Alisson Becker i Liverpoolit me 107 milionë euro, derisa mbrojtësi më i vlefshëm momentalisht është po ashtu ylli i Liverpoolit, Trent Alexander-Arnold me 130 milionë euro.
Prej mesfushorëve më i vlefshmi është ylli i Unitedit, Paul Pogba me 125 milionë euro.
Kurse sa u përket futbollistëve në moshë mbi 31 vjeç prijnë Messi e Ronaldo me 167, respektivisht 118 milionë euro.
Top dhjetë futbollistët me vlerën më të madhe të shprehur në milionë euro janë këta:
1. Kylian Mbappe – 252
2. Mohammed Salah – 219.6
3. Raheem Sterling – 2017.8
4. Lionel Messi – 167.4
5. Jadon Sancho – 159.4
6. Sadio Mane – 157.8
7. Harry Kane – 155.2
8. Roberto Firmino – 144.2
9. Antoine Griezmann – 143.8
10. Leroy Sane – 137.1
Listën e plotë të 100 lojtarëve më të vlefshëm aktualisht mund ta gjeni këtu.
-
13 qershor 2019 13:01
-
Shpërndaje në: