Sport

Rashica ia dedikon fitoren të gjithë kosovarëve dhe lojtarëve të lënduar

Ylli i Kosovës, Milot Rashica, ia ka dedikuar fitoren ndaj Bullgarisë në eliminatoret për Euro 2020, të gjithë qytetarëve të Kosovës dhe lojtarëve të cilët munguan të hënën për shkak të lëndimeve.

Rashica shënoi golin e parë dhe asistoi në të fundit në fitoren 2 me 3 në Sofje. Pas takimit ka thënë se është tejet i lumtur që më në fund u shpërblye loja e mirë e Kosovës.

“Pas gjithë atyre ndeshjeve të mira që bëmë e që ishim të pafat, më në fund u shpërblyem. Goli në minutat e fundit e bëri edhe më të veçantë këtë natë. Faleminderit gjithë tifozët. Kjo fitore shkon për krejt Kosovën. Besoj se kemi një të ardhme shumë të mirë dhe po luajmë futboll jashtëzakonisht të mirë e shpresoj të arrijmë atë që po e shpresojmë. Golin ia kam dedikuar jo veç Arbërit, por Hekuranit, Valonit, Herolindit e të gjithë atyre që s’janë”, ka thënë ai.