Lideri i Superligës, Feronikeli nuk ka fituar asnjë ndeshje ndaj Prishtinës, që prej vitit 2016.
Në 12 ndeshjet e fundit, Prishtina ka shënuar dhjetë fitore derisa dy ndeshje kanë përfunduar baras.
Se statistikat flasin në favor të Prishtinës, tregon se në gjashtë vizitat e fundit në Drenas, Prishtina ka arritur katër fitore, por Feronikeli në këtë edicion është në seri prej shtatë fitoreve rresht, raporton “Sporti në KTV”.
Feronikeli, me 63 gola të shënuara, e ka sulmin më të mirë në Superligë, kurse Prishtina ka pranuar vetëm 11 gola.
Feronikeli e ka fituar dy herë rresht titullin në edicionet 2014/15 dhe 2015/16. Edhe Prishtina dy titujt e fundit i fitoi rresht, 2011/2012 dhe 2012/2013.
Feronikeli synon ta fitojë titullin e tretë, kurse Prishtina të tetin e pasluftës.
-
17 maj 2019 22:55
-
Shpërndaje në: