Sport

Napoli kërkon Trippierin

Foto: Reuters

Mbrojtësi i krahut të djathtë, anglezi Kieran Trippier, mund ta vazhdojë karrierën në Serie A, pasi skuadra e Napolit ka shprehur interesim për shërbimet e tij.

Sajti italian "Calciomercato" ka njoftuar, të premten, se Napoli tashmë ka kontaktuar Tottenhamin, duke i ofruar 35 milionë euro dëmshpërblim për kartonin e tij, transmeton Koha Ditore.

Trippier edhe pse ka kontratë me Tottenhamin deri në vitin 2022, më herët ka paralajmëruar largimin nga ekipi londinez.

Ai këtë edicion ka një gol e pesë asistime në 33 ndeshje në të gjitha garat. Trippier te Tottenhami është transferuar para katër vjetësh nga Burnley për gjashtë milionë euro dhe ka 16 ndeshje me Anglinë.