Komisioni i Basteve në Angli ka nisur hetime kundër portierit të Sutton Unitedit, Wayne Shaw për ngrënie të pites gjatë ndeshjes së FA Cup ndaj Arsenalit të hënën mbrëma.
Një kompani e basteve, e cila sponsoron Sutton Unitedin, kishte bast me mundësi 8-1 që Shaw do të hante pite gjatë ndeshjes.
Pasi Suttoni përdori gjitha zëvendësimet dhe kur nuk kishte më shanse që Shaw të inkuadrohej në lojë, portieri tashmë i famshëm për peshën e tij, po hante pite dhe “darkën” e tij e transmetoi BBC.
“Mendova se do të bëja shaka pak me ta [kompaninë e basteve]”, ka thënë Shaw pas ndeshjes.
Sidoqoftë, Richard Watson, shef i Komisionit për Baste, ka konfirmuar se rasti i portierit është duke u hetuar.
“Integriteti në sport nuk është shaka dhe ne kemi hapur hetim për të parë se çfarë ka ndodhur saktësisht”, ka thënë Watson.
“Ne jemi duke kërkuar për parregullsi në tregun e basteve dhe nëse operatori i ka plotësuar gjitha kushtet për biznes me integritet”.
-
21 shkurt 2017 15:45
-
Shpërndaje në: