Sport

Mësohen edhe katër çerekfinalistët e tjerë të Kupës së Kosovës në futboll

Në kuadër të Kupës së Kosovës në futboll sot janë zhvilluar edhe katër ndeshje, me ç’rast edhe janë mësuar çerekfinalistët.

Biletën për në çerekfinale e kanë prerë Ferononikeli, Ballkani, Trepça ’89, e Kika, transmeton Koha.net.

Feronikeli e mposhti me rezultat bindës Dukagjinin, 4 me 0. Kurse Ballkani shënoi fitore prej 3-0 ndaj Gjilanit në Therandë.

Dy ndeshje shkuan në vazhdime Trepça ’89 – Flamurtari, e Kika – Istogu, me këtë të fundit që u vendos në penalti.

Në “Riza Lushta” të Mitrovicës, klubi mitrovicas u kualifikuar në çerekfinale duke fituar në vazhdime me rezultat prej 3-0, pasi koha e rregullt kishte përfunduar 0-0.

Diëara, Hyshemiri dhe Pira ishin ata që i siguruan kualifikimin në çerekfinale klubit nga Mitrovica.

Kurse në përballjen ndërmjet Kikës dhe Istogut rezultati pas kohës së rregullt ishte 2 me 2. Dhe çerekfinalisti, që ishte Kika, u vendos vetëm pas ekzekutimit të penaltive.

Vendasit u treguan më të mirë në penalti duke fituar ato 3 me 1.

Kurse dje në çerekfinale u kualifikuan Drita, Prishtina, Vëllaznimi dhe Ferizaj.