Brenda 45 ditëve, stadiumi “Adem Jashari” do të jetë i gatshëm për ndeshjen ndërkombëtare që pritet t’i luajnë klubet kosovare.
Një premtim të tillë, e ka dhënë për Sportin në KTV, drejtori i Departamentit të Sportit në Ministrinë e Kulturës, Ibër Alaj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi ka theksuar se Ministria i ka përshpejtuar procedurat në mënyrë që të arrijë t’i kryejnë punimet me kohë.
“Ministria i ka përshpejtuar procedurat dhe shumë shpejt pritet që të nisin punimet në stadiumin Adem Jashari. Mund të them se brenda 45 ditëve, stadiumi do të jetë i gatshëm që të luajnë klubet kosovare në arenën ndërkombëtare. Përveç klubeve, aty do të mund të luajnë edhe Përfaqësueset e Kosovës për grupmosha të reja në konkurrencën e meshkujve dhe të femrave”, ka thënë Alaj.
Gjatë ditës, në Kosovë kanë arritur tre zyrtarë të UEFA-s, në mesin e të cilëve edhe inspektori kryesor për infrastrukturë, Tyrge Borno, i cili ka ardhur që të shohë nga afër punë që janë bërë në stadiumin e Prishtinës dhe Mitrovicës.
Borno kishte qëndruar në Kosovë edhe me 1 mars, ku kishte dhënë vërejtje të shumta për stadiumin “Adem Jashari”.