Korridoret e shkollës fillore “Nazim Gafurri” janë të mbushura me punimet e nxënësve.
Aktivitetet kreative, ku nxënësit marrin pjesë janë të shpeshta. Me anë të tyre ata mësojnë për tema nga shumë lëndë.
Projekti i fundit që ata përfunduan ka të bëjë me ripërdorimin e gjësendeve e materialeve të riciklueshme.
Kur janë pjesë e këtyre aktiviteteve, nxënësit thonë që i mësojnë më lehtë se vetëm po t’i lexonin në libra.
Përpos temave që janë pjesë e plan-programit, edhe ato sociale e ato ku duhet ngritur vetëdijesim i mbulojnë muret e shkollës së tyre.
Nxënësit e shfrytëzojnë çdoherë mundësinë e përfshirjes në këto projekte, sepse ndër të tjera e bëjnë edhe më relaksues procesin mësimor.
Shumicën e këtyre aktiviteteve nxënësit e shkollës “Nazim Gafurri” i kryejnë nën mbikëqyrjen e arsimtarit të lëndës së Artit Figurativ, Burim Canolli.
Ai thotë se qëllimi është që nxënësit të jenë më aktivë, e t’i mësojnë më lehtë gjërat.
Krahas këtyre, për secilën festë kombëtare e shtetërore ata punojnë nga murale në muret e shkollës.
-
25 shkurt 2021 17:00
-
Shpërndaje në: