Ndonëse në muajt e verës kërkesat për kurorëzime janë të mëdha, këtë vit kjo gjë ka ndryshuar për shkak të virusit Covid-19. Gjatë muajve mars dhe prill në Komunën e Prishtinës nuk ka pasur kërkesa të qytetarëve për kurorëzim. Ndërsa, prej fillimit të muajit maj kërkesat për një shërbim të tillë janë rritur, raporton KOHA.

Megjithatë, tani kurorëzimet po kryhen në sportel të Komunës së Prishtinës. Por nëse janë në numër të paktë familjarët e çiftit, kurorëzimet mbahen në sallën e Kuvendit Komunal.

Fitore Cunaku, e cila është Zyrtare e Gjendjes Civile, në këtë komunë tregon se si është ofruar ky shërbim që prej përhapjes së pandemisë në vend.

Ajo tregon se cilat janë procedurat për lidhjen e kurorëzimit.

Edhe këtë të martë gjatë kohës që ekipi ynë qëndronte në Komunën e Prishtinës kishte një kurorëzim. Cunaku ia lexonte çiftit edhe betimin e kurorëzimit.

E Komuna e Prishtinës vazhdon që të mos ketë sallë të veçantë për kurorëzime. Në mungesë të saj e shfrytëzojnë sallën e Kuvendit Komunal për këtë shërbim.