Rita Ora ka treguar edhe njëherë se sa shumë krenare ndihet për prejardhjen e saj.
Përmes një postimi në Instagram ajo ka kujtuar momentin kur ishte shpallur “Ambasadore nderi e Kosovës”, transmeton Koha.net. Ajo thekson se kjo është një nga momentet më të mira në karrierën e saj deri më tani.
“Përderisa po pres për shoun tim të radhës e zura veten duke menduar për momentet e jashtëzakonshme që kam pas në karrierën time deri tani. Ky moment ishte i veçantë për mua. Gjithmonë do të ndihem e përulur dhe e privilegjuar që ta mbaj titullin si këngëtarja e parë e njohur nga Kosova dhe me të vërtetë ta vendos në hartë vendin tonë të bukur dhe me plotë dashuri, të buzëqeshur e të talentuar”, ka shkruar Ora.
Rita Ora, që ditë më parë mbajti koncert të jashtëzakonshëm në Tiranë, ka thënë se me krenari do të vazhdojë ta përkrahë Kosovën, që të jetë kudo.
“Më kujtohet secili prej jush që keni qenë prezent në shpalljen ‘ambasadore nderi’ nga presidentja Atifete Jahjaga, kryeministri Tony Blair dhe Cherie Blair, ambasadorin e Kosovës Lirim Greiçevci, ambasadorin e Shqipërisë Mal Berisha, lordin George Robertson, dhe gjithë muzikantët nga Kosova, ishte vërtetë një moment historik. Që nga atëherë kemi pasur plane të jashtëzakonshme që i kemi përmbushur, dhe që kemi arritur të bëjmë bamirësi me ndikim të madh në botë. Nuk më pritet që të vazhdoj të jem ambasadore krenare dhe të vazhdoj evoluimin e Kosovës aty ku gjithmonë e ka merituar të jetë – KUDO! (Më falni sepse kam qenë në makinë për disa orë dhe jam e ndjeshme dhe krenare), ju dua. Ji krenar prej nga vjen”, ka shkruar ajo.
-
16 qershor 2018 21:59
-
Shpërndaje në: