Natë e shqiptarëve në MTV EMA

Natë e shqiptarëve në MTV EMA

12 nëntor 2017 23:15

Ka qenë nata e shqiptarëve në ceremoninë e sivjetme të MTV European Music Awards.

Rita Ora mori vëmendjen e plotë si prezantuese dhe me hyrjen e saj të veçantë si në tepih të kuq ashtu edhe në skenën e madhe të Wembleyt. Ajo u paraqit vetëm me një rrobëdeshambër, ndërsa gjatë gjithë natës ka ndryshuar pamjen duke qenë përherë në qendër të vëmendjes.

Ajo performoi në mbrëmje, por nuk doli me një çmim edhe pse ishte e nominuar në kategorinë për “Pamjen më të mirë”.

Megjithatë, me çmim dolën dy shqiptarë të tjerë. Dua Lipa fitoi çmimin e madh për “Artisten më të mirë të re”, ndërsa Ermal Meta mori çmimin për “Veprën më të mirë italiane”.

© KOHA. Të gjitha të drejtat janë të rezervuara.

Komentet

Shto koment

Të ngjashme