Këngëtari i njohur britanik, Ed Sheeran, përmes Instagramit ka marrë iniciativë për ta ndihmuar një vajzë 7 vjeçare që të gjejë një dhurues për sëmundjen e saj.
Ajo ka nevojë për qelizën amë të gjakut, qelizë e cila mundëson prodhimin e shumë qelizave tjera të ngjashme, ose më saktësisht ajo ka nevojë për palcën e eshtrave, transmeton Koha.net.
Sheeran mbetet aktiv në Instagram – dhe ai ka përdorur këtë rrjet social në përpjekje për të ndihmuar Jasmi Hillin, 7 vjeçe, e cila ka nevojë për palcën e eshtrave.
“7 vjeçarja Jasmi urgjentisht ka nevojë për një dhurues të qelizës amë të gjakut”, ka shkruar E Sheeran. “Është një kërkesë mbarëbotërore dhe ju bëjmë thirrje që të regjistroheni. Është falas! Është e lehtë! Mund të shpëtoni një jetë”, ishte mbishkrimi i këngëtarit.
Për të ndihmuar, përdorni hashtagun #JoinForJasmi ose vizitioni DKMS – uebfaqen e cila ndihmon dhuruesit për ata që kanë nevojë.
-
19 korrik 2017 16:09
-
Shpërndaje në: