Showbiz

Fansat akuzojnë Bebe Rexhën për kopjimin e një skene të videoklipit “Sabotage”

Foto: AP/Associated Press

Këngëtarja e njohur, Bebe Rexha, i është kundërpërgjigjur kritikave ndaj videoprojektit të saj të fundit, “Sabotage”.

Në videoklipin e kësaj kënge, Rexha i vë flakën një shtëpie dhe qëndron jashtë saj duke e shikuar teksa ajo digjet.

Por, fansave nuk u shpëton asnjë detaj dhe nuk ngurojnë asnjëherë t’i bëjnë krahasimet e tyre në rrjetet sociale. Së fundmi Twitteri u pushtua nga mesazhe të shumta ku publiku e akuzoi këngëtaren me prejardhje shqiptare dhe famë botërore, se këtë skenë e ka kopjuar nga videoklipi i këngës “Monser” të këngëtares Gabbie Hanna.

Këtyre akuzave Rexha iu përgjigj duke thënë: “Do të tregohem plotësisht e sinqertë me ju, por unë kur nuk kam dëgjuar për këtë këngëtare. Mirëpo tani do të fillojë ta dëgjojë muzikën e saj. Në të vërtetë inspirimi im për këtë skena vjen nga kënga ‘Love The Way You Lie”, i dyshes Rihanna dhe Eminem”.

Bebe Rexha në të kaluarën ka bashkëpunuar me yjet, Rihanna dhe Eminem, pasi e ka shkruar hitin e tyre të njohur “The Monster” të lansuar në vitin 2013.

Edhe Gabbie Hanna ka reaguar ndaj këtyre spekulimeve të fansave duke thënë se nuk ka menduar që Bebe e ka vjedhë idenë e klipit të saj, pasi në të shumtën e rasteve përgjegjësia e plagjiaturës që bëhet në videoklipe muzikore është e regjisorëve që e drejtojnë atë, dhe jo i artistëve.

Tutje Hanna e ka shprehur admirimin që e ka për Rexhën si tekstshkruese, dhe e ka shprehur dëshirën për të bashkëpunuar me të në një të ardhme të afërt.

“Sacrifice” është kënga e dytë e Bebe Rexhës e lansuar gjatë vitit 2021, dhe është pjesë e albumit të saj të ardhshëm, “Better Mistakes”, i cili do të lansohet më 7 maj.