Showbiz

Kitara e Kurt Cobain shitet për 6 milionë dollarë

Los Anxheles, 22 qershor – Një kitarë e Kurt Cobain u shit për 6 010 000 dollarë, tha sot shtëpia e ankandeve “Julien’s California”.

Kitara akustike-elektrike “Martin D-18E” është një rekord i ri botëror shitjeje, transmeton ATSH raportimin e DPA-së.

Kobain luajti instrumentin gjatë një paraqitjeje në “MTV Unplugged” në Nju Jork, në 1993, në atë që konsiderohet performanca më ikonike e grupit “Nirvana”.

Performanca u regjistrua para një publiku ”live”, pesë muaj para vdekjes së Cobain.

Cobain dekoroi qafën e kitarës me një fletë pentagrami nga albumi i grupit rok të “Poison Idea”.