LDK-ja kundër ceremonisë për shkollën shqipe në medresenë “Alauddin” Foto: Koha / ilustrim

LDK-ja kundër ceremonisë për shkollën shqipe në medresenë “Alauddin”

07 mars 2018 09:18

Drejtoria e Arsimit e Komunës së Prishtinës nëpërmjet një njoftimi dërguar shkollave ka bërë të ditur se ceremoninë për nder të Ditës së Mësuesit – 7 Marsit do ta mbajë në shkollën fetare, medresenë “Alauddin”.

Një veprim i tillë ka nxitur reagimin e opozitës dhe të prindërve. Për LDK-në një veprim i tillë është i pakuptimtë, ngase ka salla të mjaftueshme në kryeqytet ku do të mundë të mbahej ceremonia për nderim të kësaj dite, shkruan sot “Koha Ditore”.

Agim Gashi, shef i Grupit parlamentar të LDK-së në Kuvendin Komunal të Prishtinës, ka thënë se ai vetë ka shprehur indinjatë me këtë veprim dhe se reagimin e tij do ta manifestojë me bojkotim të kësaj ceremonie.

“Reagimin do ta shpreh me mospjesëmarrje në atë ceremoni. Mua më ka ftuar shërbimi i Drejtorisë përkatëse, por as të hënën nuk kam marrë pjesë në të dhe as të mërkurën nuk do të marr pjesë”, ka thënë Gashi.

Ai ka sqaruar se nuk ka asgjë kundër Medresesë, porse duhet ruajtur karakterin e shkollës laike dhe ceremonitë e tilla duhet organizuar në salla që nuk përfaqësojnë ngjyrime religjioze... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

ABDULLAH08/03/2018 13:57

Duhet me t'ardhë marre çka je tu fol. Në amfiteatein e Medresesë janë mbajtë 1230 tubime të karaktereve të ndryshme (ndër to edhe tubimet dhe kuvende zgjedhore të LDK-së) , edhe nuk i keni vrejtë "ngjyrat relegjioze". Medreseja ka qenë një prej faktorëve shumë të rëndësishëm për lirinë e Kosovës, duhesh me pas turp që po e keqpërdor lirinë për me fol kundër vlerave të mëdha të Medresesë.

Arsimi07/03/2018 13:18

LDK kur ka qene levizje popullore, per vite te tera te gjitha mbledhjet i mbante ne medresene Alauddin ndersa sot njerin nga ta po e pengon te hyje ne medrese. Me te vertete ne jemi jofalenderues dhe me mungese identiteti.

Dritoni07/03/2018 13:18

E mbaj mend kur kemi pasur nevojë, si kemi mësuar edhe shqipen edhe matematikën nëpër xhamia. Me këtë reagim të LDK-së injorohen edhe figurat fetare të cilët dhanë çdo gjë për lirinë e që nënkupton edhe mësimin në gjuhen shqipe. Turp

Shto koment

Të ngjashme