Mësohet zyrtarisht kush do të jetë nënkryetar i Prishtinës

Mësohet zyrtarisht kush do të jetë nënkryetar i Prishtinës

15 dhjetor 2017 21:06

Kreu i Prishtinës Shpend Ahmeti, ka nënshkruar koalicion me AKR-në dhe AAK-në për të bashkëqeverisur në Komunën e Prishtinës.

Ahmeti pas raundit të parë të zgjedhjeve kishte arritur koalicion vetëm me AKR-në ndërsa mbrëmë i është bashkuar edhe AAK, shkruan Koha.net.

Por për postin e nënkryetarit të Prishtinës, për të cilin Ahmeti kishte thënë se do t’i takojë AKR-së, e për të cilin u përfolën shumë emra, Koha.net mëson se përfundimisht do të jetë Selim Pacolli.

Sekretari i përgjithshëm i Aleancës Kosova e Re, Vesel Makolli, në një prononcim për Koha.net tha se Selim Pacolli me meritë do të mbajë postin e nënkryetarit të Prishtinës.

“E ka merituar, vetëm ai e ka pas një program që implementohet. Është Selim Pacolli, ndërsa emrat tjerë të përfolur nuk janë të vërteta”, ka thënë Makolli për Koha.net.

Kujtojmë se Qeverisja “Ahmeti 2”, do t’i ketë 26 nga 51 ulëset në Kuvendin e kryeqytetit.

Lëvizja Vetëvendosje 17 ulëse, Aleanca për Ardhmërinë e Kosovës 5 ulëse dhe Aleanca Kosova e Re 4 ulëse.

© KOHA. Të gjitha të drejtat janë të rezervuara.

Komentet

Shto koment

Të ngjashme