Komuna e Prishtinës thotë të ketë krijuar model të qëndrimit ditor në çerdhe

Komuna e Prishtinës thotë të ketë krijuar model të qëndrimit ditor në çerdhe

26 tetor 2017 17:44

Komuna e Prishtinës thotë se ka krijuar një model të qëndrimit ditor në çerdhet me bazë në komunitet, për edukim të hershëm të fëmijëve.

“Ekzistojnë 6 çerdhe të tilla, të cilat janë me kosto të përballueshme, dhe qëndrimi i fëmijëve në to subvencionohet nga Komuna varësisht të ardhurave që i kanë prindërit e atyre fëmijëve”, thuhet në njoftimin për media të Komunës së Prishtinës.

Komuna e Prishtinës tregon se në bashkëpunim me UNICEF-in pas vizitës së përbashkët në çerdhet me bazë në komunitet u dakorduan për nevojën e ngritjes së kapaciteteve edukative dhe përmirësimin e cilësisë së qëndrimit ditor.

“Me këtë rast, UNICEF është angazhuar të sigurojë kënde të punës/leximit si dhe material didaktik, të cilat i ka dhënë si donacion sot nëpër këto çerdhe. Kjo është vetëm një nismë e një bashkëpunimi në mes të Komunës së Prishtinës dhe zyrës së UNICEF-it në fushën e edukimit dhe zhvillimit të hershëm të fëmijës, duke konsideruar se ngritja e cilësisë së programit edukativ dhe investimi në këtë grupmoshë është një ndër prioritetet e programit të UNICEF -it në Kosovë”, thuhet në njoftimin e Komunës.

Image

© KOHA. Të gjitha të drejtat janë të rezervuara.

Komentet

Shto koment

Të ngjashme