Djegia e pyjeve të cilat këtë vit ishin në masë të madhe në vend, ndikon edhe në cilësinë e ajrit. Fatmirësisht në stinën e verës Komuna e Prishtinës, sipas matjeve rezulton me rënie të ndotjes së ajrit në krahasim me sezonin e dimrit.
Njohës të çështjeve mjedisore përsërisin se djegia e linjitit për ngrohje të ekonomive familjare po ndikon në rritjen e shkallës së ndotjes. Ata kërkojnë që sistemi i ngrohjes përmes koogjenerimit të zgjerohet edhe në pjesë tjera të kryeqytetit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPër dallim nga dimri ku ajri në Prishtinë ka qenë në disa raste, ndër më të pashëndetshmit në botë, gjatë verës, ka ndodhur e kundërta. Sipas matjeve të organizatës joqeveritare të cilësisë së ajrit, në mesditën e së enjtes, ajri ka qenë në nivelin normal.
Por me afrimin e dimrit, gjendja e ajrit pritet të jetë sërish e pashëndetshme, dhe sipas ekspertëve, kjo ndodh për shkak të sistemit të ngrohjes që përdoret në vend dhe lagështisë së ajrit, dhe për këtë arsye sipas tyre, sistemi i ngrohjes nëpërmjet KEK-ut duhet të zgjerohet.
Për ta ulur nivelin e ndotjes së ajrit, profesori Zeqir Veseli propozon që të ketë kufizime të transportit në periudha të caktuara, raporton televizioni publik.
Shoqëria civile shumë herë u ka bërë thirrje institucioneve që ta kenë prioritet çështjen e cilësisë së ajrit.