Shala thotë të mos ketë pritur një dështim kësisoj të Vetëvendosjes në Prishtinë

Shala thotë të mos ketë pritur një dështim kësisoj të Vetëvendosjes në Prishtinë

18 gusht 2017 16:24

Ish-asamblisti i LDK-së në Prishtinë, Flamur Shala, ka kritikuar Lëvizjen Vetëvendosje për dështimet e saja gjatë katër vjetësh qeverisjeje në kryeqytet, duke thënë se për keqadministrimin e resurseve dhe keqmenaxhimin e buxhetit përgjegjës janë kryetari Shpend Ahmeti dhe tashmë ish-nënkryetari Dardan Sejdiu.

Në një komunikatë për media, Shala thotë se edhe pse janë kundërshtarë politikë, nuk ka pritur asnjë herë se dështimi i Lëvizjes Vetëvendosje në Prishtinë të ishte kaq i madh.

Duke përkujtuar se Kuvendit të Prishtinës nuk i kanë mbetur afërsisht edhe një muaj deri në fillimin e fushatës së re zgjedhore, Shala thekson se nuk duhet të ketë komoditet për asnjë parti politike, përfshirë edhe LDK-në.

“Dështimet e askujt nuk i mbulon as justifikon asnjë gjë, as dështimet për 4 vjet të VV në Prishtinë. Udhëheqja e Prishtinës ka pasur dhe ka një mal dështimesh në qeverisje, për të cilat kam folur, debatuar e shkruar për to për gati 4 vjet. Të gjitha kanë ndodhur nga keqadministrimi i resurseve, deri te planifikimi e keqmenaxhimi i buxhetit. Përgjegjës janë dy njerëz, kryetari dhe nënkryetari i Prishtinës, punën e të cilëve e kam përcjellë në vazhdimësi, për gati 4 vjet të udhëheqjes së tyre. Edhe pse jemi kundërshtarë politikë, nuk kam pritur asnjë herë se dështimi i tyre mund të jetë kaq i madh”, thuhet në komunikatë.

© KOHA. Të gjitha të drejtat janë të rezervuara.

Komentet

Fetah J21/08/2017 10:17

Ku jan kritikat? Shume me mire se sa LDK kan punuar. Po te ishin edhe komunat tjera ne gjendje te Prishtines. Kosova do te ishte pak me e mire.

Shto koment

Të ngjashme