Kompania Rajonale e Ujësjellësit “Prishtina”, ka njoftuar se niveli i ujit në liqenin e Batllavës është ngritur pas reshjeve të fundit ndërsa ai i Badovcit, ka mbetur në nivelin e njëjtë, pra as s’ka rënë as s’është ngritur.
“Ju njoftojmë se niveli i ujit në liqenin e Batllavës sot është 624.28 metra mbi nivelin e detit ose 10.72 metra nën nivelin e kapërderdhjes, që do të thotë se pas reshjeve atmosferike të borës më 4 dhe 5 shkurt , ky liqe ka një ngritje prej 32 centimetra derisa, niveli i ujit në liqenin e Badovcit e ka ruajtur nivelin e ditëve të kaluara, nuk ka pasë as rënie dhe as ngritje, sot është 639.46 metra mbi nivelin e detit ose 10.39 metra nën nivelin maksimal të kapërderdhjes”, thuhet në njoftimin e KRUP.
KRUP, thotë se furnizimi me ujë të pijshëm vazhdon të jetë 24 orë pa ndërprerë.
“Dhurata më e mirë që mund t’i jepni brezit të ardhshëm është uji! Kurseje atë!”, përfundon njoftimi.
-
20 shkurt 2020 11:17
-
Shpërndaje në: