Tejet jetëshkurtër ka rezultuar të ketë qenë respektimi i marrëveshjes së arritur midis banorëve të Qendrës së Prishtinës dhe pronarëve të kafeneve që gjenden në rrugën “Rexhep Luci”, për funksionimin e këtyre të fundit pa iu penguar qytetarëve.

Vetëm një ditë pas konfirmimit se kjo marrëveshje ishte arritur me ndërmjetësimin e Komunës së Prishtinës, banorët janë ankuar se “jemi në zor” prej zhurmës që vjen prej kafeneve, shkruan sot Koha Ditore.

Banorët e kësaj pjese të qytetit kanë thënë se “ka qenë jonormale” zhurma e kafeneve gjatë ditëve të fundit, që nga festa e Pavarësisë-17 Shkurti. Ndërkaq, se ka pasur zhurmë për festën e Pavarësisë, e kanë pranuar edhe përfaqësues të banorëve të kësaj pjese të qytetit. Porse ata thonë se banorët janë njoftuar me kohë se do të ketë muzikë për shkak të festës, porse kjo gjë ka ndodhur vetëm gjatë 17 shkurtit.

(Artikullin e plotë mund ta lexoni sot në “Koha Ditore”)