Punëtorët e Pallatit të Rinisë kanë anuluar protestën e paralajmëruar në ora 12:00, për shkak të mosmarrjes së pagave për tre muaj, raporton KTV.
Kryetari i sindikatës së punëtorëve të kësaj ndërmarrjeje, Enver Musiqi, ka thënë se anulimi i protestës ka ardhur pas një takimi të sotëm ndërmjet tyre, përfaqësuesve të komunës dhe të përmbaruesve.
Sipas tij, aty është arritur marrëveshje verbale që ekzekutimi i pagave do të bëhet brenda dy ditësh.
Punëtorët nuk kanë marrë pagat për muajt shtator, tetor dhe nëntor.
Për këto vonesa, Komuna e Prishtinës është arsyetuar se ka pasur probleme me regjistrimin e kësaj ndërmarrjeje si dhe me xhirollogaritë bankare.
Megjithatë, Komuna e Prishtinës u kishte premtuar punëtorëve se deri në fund të nëntorit do të bëhet ekzekutimi i pagave.
-
12 dhjetor 2018 12:29
-
Shpërndaje në: