Ndër ligjet e para që nënshkroi kryeministri Haradinaj, ishte ai për Prishtinën, i cili i hapi rrugë Pallatit të Rinisë që të kalojë nën menaxhimin e Komunës.
Por, ka disa muaj që punëtorët e pallatit po përballen me vështirësi, meqë nuk kanë marrë paga dhe kanë shumë ankesa të tjera, raporton KTV.
Me ta është takuar ushtruesi i detyrës i drejtorit, i emëruar së fundit nga komuna.
Punëtorët thonë se nuk u besojnë më premtimeve të komunës.
Paralajmërojnë se nëse në një afat të caktuar nuk u plotësohen kërkesat, atëherë do t’i ndërpresin të gjitha aktivitetet kulturore që mbahen aty.
Punëtorët e këtij Pallati, ditë më parë, kanë mbajtur edhe grevë pikërisht për këto ankesa.
Pasi qeveria miratoi ligjin në dhjetorin e vitit të kaluar, zyrtarisht më 12 shtator të këtij viti, AKP-ja ia dorëzoi Pallatin e Rinisë Komunës së Prishtinës.
-
23 nëntor 2018 21:34
-
Shpërndaje në: