Lokalet 2021

Kronika Zgjedhore/ Haradinaj në Prizren premton fuqizim të ekonomisë

Në mbështetje të kandidatit të AAK-së për kryetar të Prizrenit ka dalë të premten kryetari i kësaj partie, Ramush Haradinaj.

Ai ka premtuar se me Lulzim Kabashin kryetar, ekonomia në Prizren do të zhvillohet.

Para vizitës në Prizren, kreu i AAK-së nëpërmjet një videofjalimi u shpreh në përkrahje të kandidatit të kësaj partie për Komunën e Prishtinës, Daut Haradinaj.

Ai e ritheksoi premtimin e dhënë për zbatimin e Ligjit për kryeqytetin.

Tutje Haradinaj ka folur edhe për atë që e ka quajtur rrezik nga qentë endacakë.

E mënyra të njëjta, nëpërmjet rrjeteve sociale, kanë përdorur për të bërë fushatë edhe kandidatë të kësaj partie. Hapja zyrtare e fushatës prej tyre është bërë me foto apo video.

Kandidati i AAK-së për kryetar të Klinës, Zenun Elezaj, ka bërë postim në Facebook, ku i ka ftuar qytetarët që t’i bëjnë pyetje rreth fushatës së tij dhe ai u ka dhënë përgjigje nëpër komente.