Ethet e festave dhe planifikimit të ditëve të para të vitit janë të forta. Në këtë stinë të ftohtë dhe festive, njerëzit stresohen për përzgjedhjen e dhuratave, menunë e mbrëmjes së ndërrimit të viteve, qerasjet e vitit të ri por edhe për politikë.

Siç e dimë, stresi lë një ndikim të fortë tek shëndeti i zemrës. Kjo i shtyu studiuesit të analizojnë ndikimin e stresit që përjetojnë njerëzit në fundvit në shëndetin e zemrës.

Gjetjet e studimit treguan se gjasat e rëndimit të shëndetit rriten me 40 për qind në prag të festave të fundvitit. Për të arritur në këtë konkluzion, ekspertët analizuan të dhënat e 300,000 pacientëve që vuanin nga sëmundjet e zemrës.

Festat e fundvitit janë shumë të rëndësishme në shumë vende të botës. Gjatë kësaj periudhe, konsumi i ushqimeve të rënda dhe pirja e alkoolit arrin majat. Sipas studiuesve, rreziku i shëndetit rritet në ditët e para të vitit të ri.

Krishtlindjet dhe trazirat e shëndetit

Natyrshëm lind pyetja, përse Krishtlindjet dhe festat në përgjithësi trazojnë zemrën? Festa të tilla supozohet të sjellin gëzim në shpirt e në familje. Por sipas studiuesve, festat shoqërohen me shqetësime emocionale, zemërim, ankth, mërzi dhe stres.

Të gjitha këto rrisin gjasat e problemeve me zemrën dhe shëndetin. Për më tepër, gjatë festave konsumi i ushqimit dhe alkoolit është tepër i lartë. Të dyja së bashku rrisin rrezikun e shëndetit të organizmit.

Ndaj këshillohet të tregoni kujdes me ushqimet dhe alkoolin dhe veçanërisht të mundoheni të mos stresoheni e të përpiqeni të gëzoni me miqtë dhe familjen./agroweb