Lifestyle

Mos injoroni simptomat e tensionit të lartë, mund të shkaktojë vdekje

Foto: Ilustrim

Simptomat e tensionit të lartë mund të përfshijnë dhimbje koke, dhimbje të mprehta në gjoks dhe gjak në urinë, por ju gjithashtu mund të jeni në rrezik të hipertensionit nëse keni këtë shenjë, e cila mund të çojë në “vdekje të papritur”.

Tensioni i lartë i gjakut është një kusht i zakonshëm që prek më shumë se një të katërtën e të gjithë të rriturve në Britani të Madhe. Gjendja, e cila njihet edhe si hipertension, mund të shkaktohet duke ngrënë një dietë të varfër ose duke mos bërë stërvitje të mjaftueshme, transmeton KosovaPress.

Diagnostikimi i hershëm i gjendjes është i rëndësishëm, pasi hipertensioni ngre rrezikun e disa ndërlikimeve vdekjeprurëse, duke përfshirë sulmet në zemër dhe sulmet në tru.

Gjakderdhja në hundë mund të jetë një shenjë vdekjeprurëse e tensionit të lartë të pakontrolluar, paralajmëron uebfaqja për mjekësi, LiveStrong.

Ajo shkaktohet nga tensioni juaj i gjakut, i rritur në nivele të rrezikshme dhe mund të shkaktojë dëme të përhershme.

Presioni i lartë i gjakut - rreth 180 / 120mmHg - mund të dëmtojë enët e gjakut, të cilat ia pamundësojnë zemrës që në mënyrë efikase të pompojë gjakun në trupit.

Kur nuk kontrollohet, nivelet e presionit të gjakut mund të rriten deri në masën që filloni të përjetoni simptoma fizike.

Disa nga simptomat janë jo specifike dhe mund të anashkalohen si një nënprodukt i disa kushteve më pak serioze ose shkaktarë të jashtëm.

Këto përfshijnë dhimbje koke, lodhje, ankth, konfuzion ose harresë, djersitje të tepruar ose marramendje. Këto simptoma mund të keqësohen dhe të rezultojnë me vdekje të papritur.

Ju duhet të kërkoni ndihmë të menjëhershme nga një profesionist i kujdesit shëndetësor nëse jeni duke përjetuar vështirësi në të folur, humbje të shikimit, keni gjakderdhje, dhimbje gjoksi, mpirje ose ndjesi shpimi në duart tuaja dhe këmbë nga një shkak i panjohur.