Kuriozitet

Deti “gllabëron” bregun në Shëngjin, përmbyt shëtitoren në Velipojë

Deti Adriatik ka përparuar në Velipojë e Shëngjin, duke i marrë hapësirë tokës.

Fenomeni është i përkohshëm. Erërat mesdhetare nga Saharaja, njohur ndryshe dhe si shirok, së bashku me baticën, kanë bërë që deti të mbulojë krejtësisht bregun, ku gjatë verës qëndrojnë çadrat e plazhistëve, raporton TopChannel.

Në Velipojë ka mbuluar edhe shëtitoren në gati 60 cm lartësi.

Deti pritet të tërhiqet në kufijtë e tij të hënën, në të gjithë vijën bregdetare prej 14 km të Plazhit të Velipojës dhe në Shëngjin.