“Sarandat e Kosovës” vizituan qytetin emrin e të cilit mbajnë

“Sarandat e Kosovës” vizituan qytetin emrin e të cilit mbajnë

12 shkurt 2018 12:54

Qyteti i Sarandës ka pritur gjatë dy ditëve 40 vajza të Kosovës që prindërit e tyre u kanë vendosur emrin e tij. Shumë prej tyre e vizituan qytetin jugor për herë të parë, transmeton abcnews.

40 Saranda udhëtuan nga Kosova në Sarandë.

Janë vajza me emrin e qytetit shqiptar.

Shumë nga ato e vizitojnë Sarandën për herë të parë.

“Emrin ma ka vënë gjyshja e mamit. Kështu që në njëfarë forme ndihem krenare që mbaj emrin Saranda. E pata rastin që në emër të Sarandës të vizitoj Sarandën”.

Nje udhëtim i përbashkët, por edhe një amanet të kryer për prinderit. I gëzuar është edhe ambasadori shqiptar në Kosovë, Qemal Minxhozi.

“Ndihem i gëzuar që ndodhem në mes 40 Sarandave, nga Prishtina, Gjakova, Peja nga Mitrovica, nga e gjithë Kosova ”

Mes tyre edhe Saranda Myftari, e cila ka lindur në këtë qytet gjatë luftës. Ajo erdhi për herë të parë

“Kam lind në vitin ’99 edhe s’kam pas mundësi më përpara me e vizituar vendlindjen. Sot ka qenë hera e parë që e kam vizituar dhe jam kënaqur shumë”.

Në Kosovë janë më shumë se 1000 vajza me emrin Saranda, por shumë të tjerë mbajnë emrin Vlora, Berati, Drini, Shkumbin, Shkodran.

Komentet

Shto koment

Të ngjashme