Vidhet shishja e vodkës ruse, kishte vlerë 1.3 milion dollar Foto: Brian Ingberg/Polfoto/Ritzau

Vidhet shishja e vodkës ruse, kishte vlerë 1.3 milion dollar

03 janar 2018 21:01

Një pronar i një lokali danez ka thënë se i është vjedhur një shishe e veçantë e vodkës ruse, e cila kishte vlerë 1.3 milion dollar.

Policia në Kopenhagë ka konfirmuar se më 3 janar, një hajn ka hyrë në lokalin ‘Café 33’ dhe ka vjedhur një nga shishet e koleksionit.

Shishja ishte e krijuar nga tre kilogramë ari dhe tre të tjerë argjend.

“Atë shishe e kam siguruar nga fabrika Dartz, e cila krijon veturat dhe vodkat më të shtrenjta. Ajo ka qenë pjesë e koleksionit tim për gjashtë muaj, mirëpo jo më”, ka thënë pronari Brian Ingberg.

“Natyrisht jam shumë i shqetësuar. Ajo ka qenë kremi mbi tortë në koleksionin tim. Nga 1,200 shishet që posedoj, ajo ka qenë shumë e veçantë për mua”, ka thënë Ingberg, transmeton REL.

Shishja ka fituar vëmendje pasi është shfaqur në serinë televizive amerikane “House of Cards”.

Komentet

Shto koment

Të ngjashme